Një i infektuar me koronavirus në call-center, dhjetëra punonjës në karantinë

Kompania e call-center-ave Teleperformanca u ka kërkuar dhjetëra punonjësve të mbyllen në shtëpi pasi një prej stafit ka rezultuar i infektuar me koronavirus.

Lajmin e njoftoi Sindikata Solidariteti me një postim në Facebook, ku thuhet se punonjësve të call-center-it u është kërkuar të vihen në karantinë.

Sindikata pretendon se e ka të konfirmuar lajmin nga disa burime, ndërkohë që edhe vetë kryetari i saj, Tonin Preçi është një nga të izoluarit në shtëpi.

“Dhjetra punëtorëve të kompanisë Teleperformance u është kërkuar të karantinohen nga kjo e fundit për shkak të një rasti të konfirmuar me Covid-19 në njërën nga fushatat e kësaj kompanie. Mes të tjerëve edhe kryetari i Sindikatës Solidariteti, Tonin Preçi, është në kushte vetëkarantinimi.”

Kompania thuhet se u ka kërkuar punonjësve, që nëse ndihen mirë ta vazhdojnë punën nga shtëpia.

Sindikata bën thirrje autoriteteve dhe vetë kompanive që të shtojnë vëmendjen për kujdes shëndetësor në sektorin e call-center-ave pasi punohet në grupe të mëdha dhe në ambiente të mbyllura.

Check Also

ISHP këshillon vaksinim për linë e majmunit për personelin mjekësor dhe kontaktet e afërta

Këtë mëngjes është mbledhur Komiteti Kombëtar Teknik- Këshillues i Imunizimit në ISHP, për masat paraprake …

Mazhoranca drejt zgjedhjes së Presidentit që dëshiron

Kuvendi e quajti të hënën të ezauruar edhe raundin e tretë të votimit për president, …

Dy emrat e rinj për President: Një poet disident dhe një mjek-gjeneral!

Duket qartë se opozita nuk do të dërgojë një kandidat të sajin në raundin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *