Mbyllet totalisht kufiri me Greqinë! Askush s’do kalojë nga Kakavija në Shqipëri, përveç atyre që kanë leje

Është mbyllur totalisht kufiri me Greqinë, si pasojë e situatës së pazakontë, shkaktuar nga Covid-19.

Që nga sot në mëngjes, pala greke në Kakavijë ka njoftuar se ka mbyllur kufirin me vendin tonë.

Sipas policisë greke, askush nuk do të kalojë në Kakavijë, nëse nuk ka një leje nga ambasada ose konsullatat tona në Greqi, teksa në të njëjtën kohë, ambasada jonë në Athinë u komunikon të gjithë shqiptarëve që duan të kthehen se askush nuk duhet të niset drejt Shqipërisë. Amasada mohon se jep autorizime ose leje për të kaluar në Shqipëri.