Lindjet dhe vdekjet në një vit po shkojnë drejt barazimit

Shtesa natyrore e popullsisë ka rënë me 2.3 herë në vetëm 5 vjet.

Të dhënat e fundit zyrtare nga Instituti i Statistikave tregojnë se diferenca mes lindjeve dhe vdekje të popullsisë në Shqipëri po ngushtohet me ritme të frikshme.

Sipas INSTAT gjatë vitit të kaluar në Shqipëri lindën 28 mijë e 561 foshnja dhe u shënuan 21937 vdekje. Kjo bën që shtesa natyrale e popullsisë, e llogaritur si diferencë mes lindjeve dhe vdekjeve të bjerë në vetëm 6624 vetë.
Sipas INSTAT, kjo është shifra më e ulët e shtesës natyrore të popullsisë e shënuar në 1 shekull, që nga koha kur Shqipëria nisi të mbante regjistrin demografik. Të dhënat historike tregojnë se në vitin vitin 2014, shtesa natyrore e popullsisë në Shqipëri ishte mbi 15 mijë vetë. Por ky tregues ka ardhur në rënie të vazhdueshme nga viti në vit duke rënë për vitin e kaluar në vetëm 6624 vetë ose 2.3 herë më pak se sa 2014-a.

Rënia e shtesës natyrore të popullsisë lidhet direkt me rënien e lindshmërisë. Të dhënat tregojnë se krahasuar me vitin 2014, numri i lindjeve është ulur me më shumë se 7 mijë vetë, ndërkohë që numri i vdekjeve ka mbetur thuajse konstant.
Edhe pse Shqipëria vazhdon të ketë shtesë natyrore pozitive të popullsisë, pra numri i lindjeve që regjistrohen në një vit vazhdon të mbetet më i lartë se ai i vdekjeve, popullsia tkurret. Kjo për shkak të emigrimit, i cili vazhdon me ritme të larta. Edhe pse INSTA-t nuk i ka publikuar të dhënat për emigracionin gjatë vitit të kaluar, , mesatarisht nga Shqipëria largohen 40 mijë vetë në vit, shumë herë më tepër se sa shtesa natyrale e popullsisë çka bën që popullsia totale të vazhdojë të rrudhet.

Check Also

Dy “të vërteta” për inceneratorët

Komisioni hetimor për inceneratorët mbylli sot punën. Më shumë se tre muaj pas seancës së …

PPP-të në Shëndetësi: Shqiptarët paguajnë miliona euro për shërbime të pakryera

Në javën e tretë të janarit, qeveria e qendrës së majtë të kryeministrit Edi Rama …

Dosja 184, dëshmojnë disa punonjës të policisë

Të dy ish zyrtarët e lartë vendorë akuzohen për shpërdorim detyre përmes një skeme të …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *