Detajet / Botuesi mori para e prona me premtimin se do nxirrte vrasësin e policit nga burgu

Të tjera detaje dalin në dritë nga arrestimi i pedagogut dhe botuesit të njohur, Henri Çili.

‘BalkanWeb’ shkruan se Prokuroria e Përmetit ka nisur hetime në shtator të 2019-ës.

Ndaj botuesit Henri Çili, Prokuroria ka ngritur akuzat e falsifikimit të dokumenteve, mashtrimit, si edhe ushtrimit të ndikimit të paligjshëm te organet e drejtësisë.

Prokuroria thotë se ka prova sipas të cilave Çili ka tentuar të ndikojë te gjyqtarë në jug pasi ka tentuar të përvetësojë pasuri përmes mashtrimit dhe falsifikimit të dokumenteve.

Sipas këtyre provave Çili i mori shuma të konsiderueshme parash, apartament, dyqan dhe prona të tjera Adil Alikos me premtimin se do e ndihmonte ta nxirrte të birin Arbion Aliko nga burgu.

Çili dyshohet nga përgjimet se i ka premtuar lazaratasit, që do të ndikonte në vendimin e gjykatës.

Seksioni i hetimit në Policinë Gjirokastër ka ndërmarrë një operacion që është shtrirë në disa qytete. Ka bërë kontrolle në banesa ku veç të tjerash janë sekuestruar edhe armë e municione.

Arbion Aliko është dënuar me burg përjetë për vrasjen e efektivit të RENEA-s, Ibrahim Basha, ndërkohë që vëllai i tij është dënuar me 20 vite.

Ibrahim Basha mbeti i vrarë në Lazarat, gjatë aksionit për të kapur grupin kriminal që kishte nisur të shtënat ndaj policisë lokale, pas operacionit antikanabis në këtë fshat në 2014-ën.

Gjatë këtij aksioni u plagosën edhe dy kolegë të tij Jetmir Isaj dhe Perlat Hamitaj.

Check Also

ISHP këshillon vaksinim për linë e majmunit për personelin mjekësor dhe kontaktet e afërta

Këtë mëngjes është mbledhur Komiteti Kombëtar Teknik- Këshillues i Imunizimit në ISHP, për masat paraprake …

Mazhoranca drejt zgjedhjes së Presidentit që dëshiron

Kuvendi e quajti të hënën të ezauruar edhe raundin e tretë të votimit për president, …

Dy emrat e rinj për President: Një poet disident dhe një mjek-gjeneral!

Duket qartë se opozita nuk do të dërgojë një kandidat të sajin në raundin e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *