Dështon operacioni “Vajza me Syze”. SPAK konstaton paligjshmëri në 50% të pasurive të sekuestruara

Prokuroria e Posaçme, SPAK, ka bërë sot një njoftim mbi ligjshmërinë e sekuestros së pasurive në kuadër të Operacionit Forca e Ligjit dhe zbatimit të Aktit Normativ të njohur si Anti-KÇK. Në njoftimin e vet, SPAK ka bërë me dije se aktet e Policisë së Shtetit bien ndesh me ligjin për një sërë rastesh.

Drejtoria e Përgjithshme e Policisë së Shtetit, në zbatim të Aktit Normativ Nr.1, datë 31.01.2020, nga hyrja në fuqi e këtij akti dhe deri me datën 06.03.2020, ka paraqitur për vlerësim në Prokurorinë e Posaçme 62 raste sekuestrimesh, duke kërkuar vlerësim sekuestroje për 101 pasuri. Nga 101 pasuri të dërguara për vlerësim sekuestro, 71 pasuri janë automjete dhe 30 janë pasuri të paluajtshme (truall dhe objekte).

Prokuroria e Posaçme ka marrë në shqyrtim të gjitha rastet e paraqitura dhe deri datën 06.03.2020 ka përfunduar shqyrtimin brenda afateve ligjore për 27 kërkesa për vlerësim sekuestro, të cilat përfshijnë 60 pasuri, nga të cilat 30 pasuri janë automjete dhe 30 pasuri janë truall dhe objekte.

Për 27 kërkesat e përfunduara Prokuroria e Posaçme ka vlerësuar të ligjshme sekuestron e bërë nga Policia e Shtetit dhe ka kërkuar vendosjen e sekuestros nga Gjykata e Posaçme e Shkallës së Parë për Korrupsionin dhe Krimin e Organizuar për 31 pasuri. Ndërkohë për 29 pasuri është vlerësuar se sekuestro në kushtet e emergjencës apo kërkesa për sekuestrim e paraqitur nga Policia e Shtetit është bërë në kundërshtim me kërkesat e Aktit Normativ Nr.1, datë 31.012020 dhe në këto kushte është vendosur kthimi i materialeve Policisë së Shtetit.

thuhet ndër të tjera në njoftim.

Pra sipas SPAK, Policia e Shtetit ka shkelur edhe kërkesat e vetë Aktit Normativ duke dëshmuar mosnjohje të bazës ligjore me të cilën vepron. Kështu spektakli i trupës policore dhe vajzës me size është në pjesë të madhe një shfaqje në kundërshtim me ligjin dhe me tipare thuajse mafioze.

Check Also

Arrestimet në Flotën Detare, përgjimet zbulojnë skandalin: 5 ushtarakët veshën me jelekë trafikantët e klandestinëve

Efektivë të Ushtrisë Shqiptare, kanë pajisur me jelekë shpëtimi trafikantët që tentuan të transportojnë në …

Të investosh në borxhin e qeverisë; Individët blenë 22 milionë euro në obligacione për tremujorin

Individët rritën sërish investimet në obligacionet e qeverisë shqiptare në tremujorin e parë të këtij …

Brataj: Lajme të mira nga Italia, tek të moshuarit e vaksinuar, shtrimet kanë rënë me 91%

Shefi i Urgjencës Skënder Brataj përmes rrjeteve sociale ka komentuar në mënyrë entuziaste gjetjet e …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *