Bari, sekuestrohen 12 tonë mbetje elektronike të destinuara për Shqipërinë

Autoritetet italiane sekuestruan të enjten 18 tonë mbetje pajisjesh elektroshtëpiake, të cilat kishin si destinacion Shqipërinë.

Ngarkesa prej rreth 300 lavatriçesh dhe sobash të prishura ishte vendosur në një kamion me targa bullgare dhe u kap në portin e Barit përpara se të nisej për në Durrës.

Mbeturinat ishin deklaruar si pajisje funksionale të ripërdorshme. Pas kontrollit rezultoi e kundërta.

Mediat lokale në Bari raportojnë se ngarkesa prej 18 tonësh është sekuestruar ndërsa drejtuesi i kamionit është vënë nën hetim.

Një muaj më parë autoritetet italiane kapën me të njëjtën skemë 25 tonë mbeturina pajisjesh elektroshtëpiake.

Ngarkesa po përpiqej të transportohej nga porti i Ankonës, rreth 500 kilometra në veri të Barit.

Nuk është e qartë nëse rastet kanë lidhje me njëra-tjetrën, por në të njëjtën periudhë në Vlorë u kapën dhjetëra fuçi dhe thasë të mbushur me azbest, mbetje e rrezikshme.

Check Also

Zanafilla e inceneratorëve: Emergjenca mjedisore u shpall pa bazë ligjore

Në fillim të shkurtit 2014, pesë zëvendësministra të qeverisë së udhëhequr nga kryeministri Edi Rama …

Argumentimi qesharak i gjyqtarit Erjon Bani, ish-ministri Koka u la në burg për t’i “rregulluar imazhin drejtësisë”(!)

Gjykata e Posaçme kundër Krimit të Organizuar dhe Korrupsionit vendosi sërish të rrëzojë kërkesën e …

Ballkani i Hapur? Rama: Do të presim e shohim reagimin e Serbisë

Shqipëria nuk ka pse të ndjehet e rrezikuar nga agresoni rus në Ukrainë, ndërsa vendi, …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *