Bankat njoftojnë, punojmë nga ora 7 deri në 9 (ose 10) të mëngjesit

Një vendim i fundit i qeverisë për kufizimin e lëvizjeve të qytetarëve gjatë dy fashave orare ka bërë që dhe bankat të reduktojnë oraret e tyre.

Vendimi i qeverisë parashikon se dalja e këmbësorëve do të kufizohet vetëm në fashat orare 06.00 – 10.00 dhe 16.00 – 18.00.

Bankat po njoftojnë klientët përmes mesazheve për oraret e kufizuara të punës, që përgjithësisht janë nga ora 7 e mëngjesit deri në orën 9 ose 10.

Kufizimi i lëvizjeve, me qëllimin shmangien e grumbullimit të njerëzve, sipas qytetarëtve mund të sjellë të kundërtën, pasi në këto orare do të ketë dyndje në rrugë për të mbaruar punë në banka (që mund të krijojë radha) ose për të kryer detyra të tjera të domosdoshme.

Pas përhapjes së kornavirusit, Bankat kanë vijuar aktivitetin, ndonëse me personel të reduktuar dhe disa me orare të kufizuara dhe duke hapur kryesisht degët kryesore.

Shërbimi ndaj klientëve është kryer nën masat e rekomanduara të sigurisë, ku klientët e mbajnë radhën në distancë njëri nga tjetri jashtë ambienteve të bankës. Kur hyjnë në bankë u kërkohet të dezinfektojnë duart, ndërsa qëndrojnë në distancë më shumë se një metër nga punonjësi i bankës gjatë kryerjes së shërbimit.

Check Also

Raporti i KLSH: Astrit Hado drejtori i ISSH shkakon dëm ekonomik 172 milion lekë në buxhetin e shtetit

Raporti nga Kontrolli i Lartë i Shtetit, ka zbuluar se janë shkaktuar -172 milion lekë …

Rusët, një histori me spiunazh? Çfarë dimë deri tani për vdekjen e 4 turistëve në Qerret

Prej të premtes, hetuesit më të lartë në vend janë rikthyer disa herë në resortin …

Cili është dallimi mes “licencimit” dhe “akreditimit” të një laboratori ‘Covid’

Para disa ditësh, për Kontrollin e Lartë të Shtetit, pandemia COVID 19 në Shqipëri mund …

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *